top of page

紫外線對皮膚嘅影響有幾大?有咩新嘅醫療方法去應對?認識紫外線嘅分類以及危害。

成日聽到要搽防曬聽得多,但我唔怕曬黑,點解要搽防曬?呢個觀念大錯特錯。防曬最主要嘅用意唔單止係防曬黑,紫外線對皮膚老化嘅速度快得超乎你想像。唔想色斑雀斑皺紋日日增加!?就要認識紫外線嘅分類以及危害。


紫外線分類

紫外線分為UVA和UVB,兩種都與光衰老有關。其中嘅95%係UVA,5%係UVB。UVA嘅穿透能力比UVB強,UVB到達皮膚表皮層,UVA到達真皮層。





• UVB

引起皮膚即時曬傷,會令表皮具有保護作用嘅脂質層氧化,令皮膚變乾,喺短時間內曬傷,曬紅,亦會引起黑色素細胞嘅變異。

• UVA

促進皮膚黑色素形成,導致皮膚色素沉澱,誘發或加重雀斑,黃褐斑。亦會破壞膠原蛋白令皮膚鬆弛衰老,造成皮膚損傷老化。


紫外線對皮膚有咩危害?


紫外線嘅危害一光敏性反應

因部分人對紫外線敏感度高,接觸後會發生急性反應,若攝食大量光敏性食物,其中嘅光敏成分與細胞中受體結合,會導致嚴重嘅光毒性反應,可能會出現皮膚癢感、紅斑,嚴重者可能會起水泡。


紫外線嘅危害一紅斑

紫外線對細胞與基因會造成一定程度嘅破壞,有啲細胞當場被殺死,而有啲受傷嘅細胞則會釋放出一種化學物質,刺激毛細血管,造成破裂,即係代表"曬紅"。紅斑屬於急性光毒性反應,伴發褪皮、灼痛,亦會導致色素沉殿。防曬值SPF就係根據UV照射後出現紅斑嘅時間計算。UVB主要引起表皮損傷,UVA引起真皮深層損傷,包括血管、各種細胞同膠原蛋白纖維嘅損傷。敏感肌表皮薄,更容易受到UV損傷。紫外線會加重炎症反應,所以有痘痘,皮膚損傷嘅人,曬後皮膚恢復得比較緩慢。





紫外線嘅危害一光老化

咩係光老化?光老化最主要嘅元兇就係陽光下嘅紫外線。紫外線嘅強弱並唔會因為季節嘅變化而有太大差異;長期無做防曬措施,太陽中嘅紫外線會引起皮膚老化,當紫外線中嘅UVB同UVA照射到肌膚真皮層,令肌膚屏障受損,產生自由基,加速肌膚氧化,導致肌膚衰老。當光老化發生喺皮脂膜同角質層嘅時候,皮膚會出現粗糙、乾燥起皮、暗沉、敏感、無光澤;而當光老化累積喺真皮網狀層同筋膜層,會導致膠原蛋白嘅流失加速衰老,皮膚亦會出現色斑,毛孔粗大、皺紋、皮膚鬆弛下垂等問題。


色斑難防,無論任何年紀嘅人士都有色斑嘅煩惱,隨著皮膚色素增加,經常都會感覺外貌比自己實際年齡老。黑色素會藏喺皮膚底層,到咗30歲左右就會明顯地爆發出嚟,斑點會略微凸起及向下「生根」;加上受到外在環境及荷爾蒙分泌影響,原本有斑嘅位置會誘發更多黑色素漫延開去,所以會出現年紀越大色斑越多嘅情況發生,變得一發不可收拾。


Yanis Beauty引入全港第一部嶄新醫療級去斑技術 ── Glacial Rx冷凍打斑機,儀器由美國空運到港並榮獲美國FDA認可,係唯一經FDA認可嘅皮膚冷凍系統,同市場一般打斑儀器唔同,Glacial Rx冷凍打斑機能精準降溫,比傳統激光更有效分解色班,去斑絕不反黑丶絕不反白。採用專利嘅Cryomodulation冷凍技術,將皮膚底層嘅溫度降至-12℃至-15℃,透過降溫嚟擊退並溶解黑色素,16秒內有效切斷色斑根源,第17秒自動停止降溫,保證唔會凍傷。打斑同時去除肌膚老化角質層,達至提亮膚色嘅效果,1個月後皮膚更活力,更明亮。




Comentarios


您也可能喜歡這些文章

bottom of page