top of page

如何快速有效解决閉口粉刺?了解常見原因及內外原因分析。




閉口形成原因

閉口亦被稱為閉合性粉刺。閉口形成嘅原因係毛囊同皮脂腺受到發炎刺激,導致毛囊同皮脂腺開口阻塞。原本應該正常排出嘅皮脂同脫落嘅上皮細胞無法順利排出,結果就積聚喺毛囊內而形成粉刺。






錯誤方式去閉口

用手指去閉口容易導致皮膚發炎同感染。而且,如果手部冇經過充分清潔,仲有可能將細菌引入閉口區域,加重問題。擠壓閉口會破壞皮膚嘅天然屏障,導致紅腫、疼痛,有可能留低疤痕。正確嘅做法係遵循溫和嘅護膚步驟,使用適當嘅產品同方法去處理閉口。






內外兼顧

護膚護理係改善閉口問題嘅一部分,但內調亦同樣重要。只注重外部護理可能只係治標唔係治本。內調包括飲食、生活習慣等方面。保持健康嘅飲食,攝取足夠嘅水同營養,避免過度油膩同刺激性嘅食物,對改善閉口問題都有幫助。而且,要注意減少壓力、保持充足嘅睡眠同適度嘅運動,亦有助於改善皮膚狀況。



閉口粉刺常見原因分析






髮際線周圍長閉口

細節部位如髮際線周圍嘅皮膚容易被忽略,卸妝唔夠徹底會導致殘留嘅化妝品、污垢同油脂而堵塞毛孔,形成閉口。


T區下巴長閉口

T區(額頭、鼻子同下巴)嘅皮脂腺比較活躍,容易產生過多嘅油脂。如果冇適當嘅清潔同去角質,多餘嘅油脂同角質就會堆積係毛孔入面,令毛孔容易被堵塞,導致形成閉口。


全臉長閉口

閉口粉刺可能受多種因素影響。例如熬夜可能干擾身體嘅正常代謝同排毒功能,導致毛孔堵塞。飲食過辣或太甜可能增加體內嘅炎症反應,進一步刺激皮脂腺分泌過多嘅油脂,令毛孔容易阻塞。


飲牛奶會導致閉口或痘痘

牛奶含有荷爾蒙成分,例如雌激素、黃體素同埋雄性激素前體。呢啲荷爾蒙成分可能會影響我地體內嘅荷爾蒙平衡,令閉口粉刺產生。另外,有啲人對牛奶入面嘅成分可能有過敏反應,令皮膚出現問題。




閉口粉刺內因分析


雄性激素分泌旺盛:例如睾固酮,喺身體入面過多嘅情況下,可能會令皮脂腺活躍度增加,增加油脂嘅分泌。呢啲多餘嘅油脂容易令毛孔堵塞,從而形成閉口粉刺。


角質層過厚:角質層係皮膚嘅最外層,過厚嘅角質層可能導致毛孔阻塞,阻礙皮脂同角質正常排出,令閉口粉刺形成。


熬夜、睡眠不足:不良嘅睡眠習慣、熬夜會導致身體內部嘅失衡,影響皮膚健康。 睡眠不足可能導致內分泌紊亂,增加閉口粉刺嘅風險。


皮膚乾燥缺水:乾燥嘅皮膚會刺激皮脂腺分泌更多嘅油脂,以保護皮膚免受水分流失。 但過多嘅油脂會導致毛孔阻塞,形成閉口粉刺。


內分泌失調:內分泌系統嘅不平衡可能導致荷爾蒙水平異常,進而影響皮脂腺嘅活動。 呢個可能導致油脂分泌過多,增加閉口粉刺嘅形成風險。


維生素攝取不足:某啲維生素,例如維生素A同維生素C,對皮膚健康非常重要。 維生素不足可能導致皮膚功能受損,增加閉口粉刺嘅風險。


體內油膩上火:不良嘅飲食習慣,攝取過多嘅油膩同刺激性嘅食物,可能導致體內火氣上升,引發閉口粉刺等皮膚問題。



閉口粉刺外因分析


過度清潔:頻密或過度使用刺激性潔面產品、清潔工具或進行過度搓揉的潔面動作可能導致皮膚受到刺激,破壞皮膚嘅保護屏障,從而引發閉口粉刺。


無做防曬措施:長時間暴露喺紫外線底下,無採取適當嘅防曬措施,會導致皮膚受損,引發發炎反應,進而促進閉口粉刺嘅形成。


水油不平衡:使用唔合適嘅護膚品,例如過於滋潤或油膩嘅產品,可能會擾亂皮膚嘅水油平衡,增加閉口粉刺嘅風險。


保養品使用不當:使用過多嘅保養品或混合使用唔相容嘅產品可能導致毛孔堵塞,引發閉口粉刺。 另外,使用含有刺激性成分或對皮膚敏感嘅產品亦有機會導致形成閉口粉刺。


皮膚清潔不到位:未能徹底清潔皮膚,未能即時去除化妝品殘留物、污垢同油脂等。當呢啲物質積聚喺皮膚表面或毛孔入面嘅時候,就容易令毛孔堵塞,進而促使閉口粉刺嘅形成。



Yanis Beauty • 果酸換膚療程

果酸換膚療程可以幫助阻塞毛孔嘅多餘油脂自然排出,同時有效去除難以清潔嘅角質,令污垢可以自然排出。果酸換膚療程透過使用富含果酸成分嘅產品加速皮膚角質層嘅新陳代謝,促進老舊角質嘅脫落。果酸可以滲透入皮膚表面,溶解角質層中嘅黏附物質,促進細胞更新,令皮膚變得更加光滑、明亮,同時減少毛孔堵塞同埋粉刺嘅形成。


改善皮膚六大瑕疵 :

- 改善毛孔堵塞

- 改善色素沉澱

- 改善毛囊角化

- 改善雞皮粒粒

- 減淡暗瘡印





您也可能喜歡這些文章

bottom of page